Convention - Walhain dit oui aux langues régionales

Walhain dit oui aux langues régionales - MË COMËNE DËT OYE

Vos compërdoz l’Walon ? Vos l’causoz one miëte ? 

Walin s’a ègadji a fé avancë l’Walon dins l’comëne en s’inscrijant en 2024 au label : « Më comëne dët OYE ».

Vl’a l’convencion de Walin en walon : 

COMMUNICATION

Fé parète on scrijadje walon/francès dins tot les nümèros del’gazète dè l’comëne.

Vôter qu’on èst d’acward avou « La Charte européenne des langues régionales ou   minoritaires ».

Dîre saquants mots en walon dins lès spitchs oficiéls.

Mète en walon lë prëmère pâdje dè l’ comëne  së intèrnèt.

CULTÛRE

Prëster tot c’quë faut, po fé dès spèctakes èt tot c’quë s’fé en walon po les djins èt po lès soces quë l’d’mandënut.

Mète së pids tot l’s-ans on spèctake en walon.

Acheter dès lîves en walon po lès bibliotèkes èt lès mète a djou tot l’s-ans.

Aller dins lès maujones dë r’pôs  dè l’comëne  po causer walon avou lès djins.

Lë comëne sotérèt tot l’s-ans dès raplous po l’walon.

SCOLES

2.Inscrîre lès scoles dins l’programme « Langues et cultures régionales en classe » de  la Fédération Wallonie Bruxelles.

Fé tot l’s-ans one saqwè en walon dins l’comëne avou lès scoles .

Aîdi en prëstant dès sales, do matériel, en payant lès frais dès rèclames èt tot c’qui faut.

PANAUS – TOURISME – VIKADJE DÈS AFAÎRES

Mète dès plakes en walon së lès vôyes 

Mète en route dès promwinrnâdes ou bén dès vësëtes racontées en walon.

Mète en avant (panaus së lès bâtimints èt lès monëmints en walon/francès).

L’burô po lès tourisses dwèt fé conèche dès scrijadjes èt dès lingadjes de tote lë Waloniye

Po lès ceus qu’ont intèrnèt vola l’adresse po d’aler vîr le label en francès po Walin.